ԱԱՊԲ Ծրագիրն իրականացվում է Էմերջինգ Մարքեթս Գրուպ, Լտդ. (ԷՄԳ) (Emerging Markets Group Ltd.) միջազգային անկախ խորհրդատվական ընկերության կողմից, որը տվյալ ծրագրի գծով Ամերիկայի Միացյալ Նահանգների Միջազգային Զարգացման Գործակալության (ԱՄՆ ՄԶԳ) հիմնական կապալառուն է:
ԷՄԳ-ն տարիների փորձ ունի այնպիսի ոլորտներում, ինչպիսիք են մասնավոր եւ պետական հատվածների բարեփոխումները, մարդկային ներուժի զարգացումը, գյուղատնտեսության եւ գյուղական վայրերի զարգացումը, ինչպես նաեւ առողջապահական համակարգերի բարելավումն ու հզորացումը: Ընկերությունը մի շարք արդյունավետ ծրագրեր է իրականացրել նաեւ Հայաստանում, մասնավորապես, առողջապահության ոլորտում:
ԱԱՊԲ Ծրագրի շրջանակներում ԷՄԳ համագործակցում է թվով երեք գործընկեր կազմակերպությունների հետ, որոնք Ծրագրում ներդնում են իրենց մասնագիտացման բնագավառի գիտելիքներն ու հմտությունները.
| • IntraHealth International-ը 2003թ.-ին ստեղծված շահույթ չհետապնդող անկախ կազմակերպություն է, որի առաքելությունն է ամբողջ աշխարհով մեկ բարելավել առողջապահական ծառայությունների որակը եւ մատչելիությունը կարիքավոր բնակչության համար: Ունենալով առողջապահական ծառայություններ մատուցողների հետ համագործակցության փորձ` IntraHealth-ը ԱԱՊԲ Ծրագրին աջակցում է ընտանեկան բժշկության զարգացման եւ բուժօգնության որակի բարելավման գործում: |
| • Overseas Strategic Consulting, Ltd. (OSC) ընկերությունը մասնագիտանում է ռազմավարական հաղորդակցման մեջ` աջակցելով տարբեր ոլորտներում, այդ թվում առողջության պահպանման ոլորտում իրականացվող բարեփոխումներին: ԱԱՊԲ Ծրագրի շրջանակներում OSC ընկերությունն առաջնորդում է Հանրային կրթության բաղադրիչը, որի շրջանակներում նախատեսվում է, մասնավորապես, հանրության իրազեկվածության բարելավմանն ու համայնքային ներգրավմանն ուղղված լայնածավալ արշավների իրականացում: |
| • Հայաստանի Ամերիկյան Համալսարանի Առողջապահական ծառայությունների հետազոտության եւ զարգացման կենտրոնը ստեղծվել է 1995թ.-ին հանրային առողջության ոլորտում բազմակողմանի հետազոտություններ իրականացնելու եւ զարգացման ծառայություններ մատուցելու նպատակով: Կենտրոնն իրականացնում է ԱԱՊԲ Ծրագրի մոնիթորինգի եւ գնահատման գործառույթը: |