Ծրագրի հանրային կրթության աշխատանքները նպատակ ունեն բարձրացնելու առողջության առաջնային պահպանման (ԱԱՊ) ծառայությունների մասին բնակչության իրազեկվածության մակարդակը եւ, աստիճանաբար հաղթահարելով ծառայությունների ցածր որակի մասին պատկերացումը, օժանդակել դրանց նկատմամբ պահանջարկի բարձրացմանը: Այս բաղադրիչի շրջանակներում իրականացվելու են նաեւ առողջ ապրելակերպի քարոզման եւ համայնքային ներգրավման արշավներ` բնակչության մոտ սեփական առողջության նկատմամբ պատասխանատու վերաբերմունքի ձեւավորման համար: Այդ նպատակով փոքր դրամաշնորհներ են տրամադրվելու նաեւ Երեւանում եւ մարզերում գործող հասարակական կազմակերպություններին:
Այս բաղադրիչով նախատեսված արդյունքներին հասնելու համար Ծրագիրը.
| • իրականացնում է հանրային կրթության արշավներ` ԱԱՊ ծառայությունների, առողջ ապրելակերպի, պացիենտների իրավունքների եւ պետության կողմից նախատեսված հիմնական ծառայությունների փաթեթի (ՀԾՓ) մասին տեղեկացվածության մակարդակը բարձրացնելու նպատակով. |
| • աշխատանքներ է իրականացնում` բնակչության գրանցման եւ ընտանեկան բժշկության մասին իրազեկվածությունը բարձրացնելու ուղղությամբ. |
| • դասընթացներ է կազմակերպում Երեւանում եւ մարզերում գործող հասարակական կազմակերպությունների (ՀԿ) եւ լրագրողների ( համար` առողջ ապրելակերպի քարոզման գործընթացը մարզային մակարդակում հզորացնելու համար. |
| • ՀՀ Առողջապահության նախարարությանն օժանդակում է` հանրային կրթության արշավների իրականացման կարողություններն ընդլայնելու գործում. |
| • կազմակերպում է հանրային միջոցառումներ եւ համայնքային հանդիպումներ` տեղի բնակչությանը ԱԱՊ հիմնարկների բարեկարգման եւ առողջ ապրելակերպի քարոզման գործում ներգրավելու նպատակով: |
Հանրային կրթության արշավներ
Ծրագրի կողմից իրագործվող հանրային կրթության արշավների նպատակն է ընդհանուր առմամբ ԱԱՊ ծառայությունների, ինչպես նաեւ բնակչության տարբեր խմբերի համար հրատապ հանդիսացող առողջական խնդիրների մասին արժանահավատ եւ ճշգրիտ տեղեկատվության հաղորդումը: Այս նպատակով օգտագործվելու են զան•վածային լրատվության բոլոր միջոցները, մասնավորապես, հեռավոր եւ գյուղական վայրերում հասանելի հեռուստա- եւ ռադիոծրագրերը:
Աջակցություն հասարակական կազմակերպություններին եւ ԶԼՄ-ներին
ԱԱՊԲ Ծրագրի կողմից տրամադրվելիք աջակցությունը ներառում է.
• Տեխնիկական աջակցություն` առաջին հերթին, ուսումնական դասընթացներ եւ աշխատաժողովներ.
• Փոքր դրամաշնորհների ձեւով ֆինանսական աջակցության տրամադրում առողջ ապրելակերպի քարոզման եւ վարակների կանխարգելման բնագավառում ՀԿ նախաձեռնություններին:
Լրագրողների համար կազմակերպվող դասընթացները նպատակ են հետապնդում ԶԼՄ-ներին օգնելու զարգացնել առողջության պահպանման եւ ԱԱՊ բարեփոխումների հետ կապված հարցերի լուսաբանման ունակությունները:
ՀԿ-ների համար դասընթացների նպատակային լսարանն են կազմում առողջ ապրելակերպի եւ համայնքային ներգրավման բնագավառում աշխատող կազմակերպությունները, որոնք նախատեսում են փոքր դրամաշնորհներ ստանալ ԱԱՊԲ Ծրագրից:
Փոքր դրամաշնորհները տեղաբաշխվելու են բաց մրցույթի միջոցով: Դրամաշնորհների տեղաբաշխումն իրականացվելու է Ծրագրի տարածքային ծավալմանը զուգընթաց` յուրաքանչյուր մարզում գործունեությունը սկսելուն պես մշակվելու են դրամաշնորհների տեղաբաշխման չափանիշներ եւ տրվելու դիմումների ներկայացման վերաբերյալ հայտարարություն (տեղադրվելու է նաեւ այս կայքի Հայտարարություններ բաժնում):
Համայնքային ներգրավում
Կայքի այս հատվածում կարող եք ավելի մանրամասն տեղեկանալ ԱԱՊԲ Ծրագրի համայնքային ներգրավման ռազմավարությանն ու միջոցառումներին:
Այստեղ կարող եք ծանոթանալ ԱԱՊԲ Ծրագրի կողմից մշակված հանրային իրազեկման նյութերին:
ԱԱՊԲ Ծրագրի հանրային կրթության աշխատանքների նկարները տեղադրված են այստեղ, իսկ A target=_blank href=index.php?p=34&l=arm>Օգտակար հղումներ բաժնից կարող եք տեղափոխվել հանրային կրթությանն ու առողջ ապրելակերպին վերաբերող Ինտերնետ կայքեր: