ԱԱՊԲ Ծրագրի գնահատման եւ մոնիթորինգի գործունեության նպատակն է վերահսկել Ծրագրի առաջադիմությունը` գործունեության կառավարման պլանով (ԳԿՊ) սահմանված խնդիրների եւ նպատակների իրագործման ուղղությամբ: Ծրագրի շրջանակներում ընտրված առողջության առաջնային պահպանման հաստատություններում հիվանդների այցելությունների թիվն այն հիմնական ցուցանիշն է, որը Ծրագիրն ակնկալում է բարելավել` ԱԱՊ ինստիտուցիոնալ ներուժի հզորացման եւ մատուցված ծառայությունների որակի բարձրացման միջոցով:
Գնահատման գործընթացը կիրականացվի հաստատությունների մակարդակով գնահատումների եւ բնակչության հարցումների միջոցով:
Հաստատությունների մակարդակով գնահատումները ներառում են`
• Հարցազրույցների միջոցով հաստատությունների գնահատում, որն ընդգրկում է Ծրագրի բոլոր բաղադրիչներին վերաբերող ցուցանիշներ,
• Հաստատությունների ինքնագնահատում, որը ենթադրում է հաստատությունների եւ ծառայություններ մատուցողների գործունեության ինքնագնահատում: Վերջինս կարող է հիմք հանդիսանալ բուժօգնության որակի բարելավման ընթացքը չափելու համար:
• Հիվանդների գոհունակության հետազոտություններ:
Բնակչության հարցումները ներառում են հանրապետության ողջ տարածքով տնային տնտեսությունների հետազոտություններ եւ ընդգրկում են`
• Առողջութան առաջնային պահպանման ցուցանիշները (բնակչության առողջություն, առողջության դինամիկա, վաղ ախտորոշում եւ կանխարգելիչ ծառայությունների կիրառում, բուժօգնության մատչելիություն եւ որակ),
• Հանրային կրթության արդյունավետության ցուցանիշները (ԱԱՊԲ Ծրագրի կողմից իրականացված հանրային կրթության արշավների եւ այլ գործունեության ազդեցությունը, որոնք կոչված են բարելավելու առողջության վերաբերյալ գիտելիքները, վերաբերմունքը, բուժծառայությունների նկատմամբ պահանջարկը եւ այլն):
Ծրագիրը գնահատման գործընթացն իրականացվելու է երեք փուլերով.
| Ելակետային գնահատումներ` ծրագրի գործունեության սկզբում յուրաքանչյուր մարզի նպատակային հաստատություններում այդ հաստատությունների մակարդակով իրականացվող գնահատումներ եւ բնակչության հարցումներ. |
| Միջանկյալ գնահատումներ` ծրագրի ավարտից հետո նպատակային հաստատություններում վերոհիշյալ գնահատումների իրականացումը հաստատությունների մակարդակով. |
| Վերջնական գնահատումներ` ծրագրի վերջին երկու տարիների ընթացքում նպատակային հանդիսացած երկու կամ երեք մարզերում հաստատությունների գնահատում, այնուհետեւ` բնակչության հարցումներ` ըստ հենակետային գնահատման մեջ ներառված բոլոր հարցերի: |
Բացի այդ, Ծրագրի գործունեության ընդլայնման հետ մեկտեղ յուրաքանչյուր մարզի ընտրված նպատակային հաստատություններում կարող է իրականացվել որակական հետազոտութուն` Ծրագրի միջամտությունների շարունակական բարելավման նպատակով առաջարկություններ հավաքելու համար: